وزیر اعلیٰ بلوچستان میر سرفراز بگٹی نے صدر مملکت آصف علی زرداری کی جلد صحت یابی کے لیے دعا اور نیک تمناؤں کا اظہار کیا ہے۔ انہوں نے کہا کہ وہ صدر آصف علی زرداری کی مکمل شفایابی کے لیے دعا گو ہیں اور امید رکھتے ہیں کہ وہ جلد صحت مند ہو کر اپنی قومی ذمہ داریاں دوبارہ سنبھالیں گے۔
وزیر اعلیٰ سرفراز بگٹی نے صدر آصف علی زرداری کو پاکستان کا مدبر، دور اندیش اور سینئر سیاسی رہنما قرار دیتے ہوئے کہا کہ ان کی قیادت ملک و قوم کے لیے نہایت اہم ہے۔ انہوں نے مزید کہا کہ صدر مملکت کی صحت یابی کے لیے پوری قوم دعا گو ہے اور ان کی نیک تمنائیں آصف علی زرداری کے ساتھ ہیں۔
صدر آصف علی زرداری کی سیاسی خدمات کو سراہتے ہوئے وزیر اعلیٰ بلوچستان نے کہا کہ ان کی رہنمائی ملکی سیاست میں ایک اہم مقام رکھتی ہے اور ان کی صحت یابی نہ صرف پاکستان پیپلز پارٹی بلکہ ملک کی مجموعی سیاسی استحکام کے لیے بھی ضروری ہے۔ انہوں نے امید ظاہر کی کہ ان شاء اللہ صدر مملکت جلد صحت یاب ہو کر قومی رہنمائی کی اپنی ذمہ داریاں احسن طریقے سے نبھائیں گے اور ملکی ترقی کے سفر کو آگے بڑھائیں گے۔
قوم کی جانب سے صدر آصف علی زرداری کی جلد صحت یابی کے لیے دعاؤں کا سلسلہ جاری ہے اور سیاسی و سماجی حلقوں میں بھی ان کے لیے نیک تمناؤں کا اظہار کیا جا رہا ہے۔
Leave a Reply