کوئٹہ، 2 نومبر — وزیر اعلیٰ بلوچستان میر سرفراز بگٹی کی ہدایت پر محکمہ تعلیم بلوچستان نے صحبت پور کے نواحی علاقے یاسین آباد کے گرلز پرائمری اسکول کو شہید ایس ایچ او بھاگ ناڑی لطف علی کھوسہ کے نام سے منسوب کرنے کا نوٹیفکیشن جاری کردیا ہے۔ انسپکٹر لطف علی کھوسہ نے گزشتہ ہفتے بھاگ ناڑی میں دہشت گردوں کے خلاف بہادری سے لڑتے ہوئے جامِ شہادت نوش کیا تھا۔
وزیر اعلیٰ میر سرفراز بگٹی نے صحبت پور میں شہداء کے لواحقین سے تعزیت کے موقع پر شہید لطف علی کھوسہ کی قربانی کو خراجِ عقیدت پیش کرتے ہوئے اعلان کیا تھا کہ علاقے کے ایک تعلیمی ادارے کو ان کے نام سے منسوب کیا جائے گا۔ اسی اعلان کے تسلسل میں محکمہ تعلیم نے باضابطہ نوٹیفکیشن جاری کردیا ہے۔
یہ اقدام نہ صرف شہید کی بہادری کو سلام پیش کرنے کے مترادف ہے بلکہ نوجوان نسل کو ان کے نقشِ قدم پر چلنے کی ترغیب دینے کے لیے بھی اہم سنگِ میل ثابت ہوگا۔
Leave a Reply