وزیر اعلیٰ بلوچستان میر سرفراز بگٹی نے بلوچستان عوامی پارٹی کے نو منتخب مرکزی اور صوبائی عہدیداروں کو مبارکباد پیش کی ہے۔ انہوں نے نوابزادہ خالد حسین مگسی کو مرکزی صدر اور سینیٹر منظور کاکڑ کو مرکزی سیکریٹری جنرل منتخب ہونے پر خوشی کا اظہار کیا اور کہا کہ یہ جمہوری عمل کا تسلسل ہے۔ اسی طرح سردار صالح بھوتانی کے صوبائی صدر اور حاجی مٹھا خان کاکڑ کے جنرل سیکریٹری منتخب ہونے پر بھی نیک خواہشات کا اظہار کیا گیا۔
وزیر اعلیٰ نے کہا کہ انٹرا پارٹی انتخابات شفاف جمہوری اقدار کی عکاسی کرتے ہیں اور یہ عمل بلوچستان عوامی پارٹی کی مضبوط جمہوری روایات کو ظاہر کرتا ہے۔ انہوں نے مزید کہا کہ بلوچستان عوامی پارٹی مرکز اور صوبے دونوں سطحوں پر اتحادی جماعت کے طور پر اہم سیاسی کردار ادا کر رہی ہے۔ ان کے مطابق بی اے پی کی نئی قیادت ملک اور صوبے کے عوام کی خدمت کے مشن کو مزید آگے بڑھائے گی اور یہ انتخاب جمہوری استحکام کی علامت ہے۔
Leave a Reply