بلوچستان حکومت نے کوئٹہ کے شہریوں کو سفری سہولت فراہم کرنے کے لیے ایک اہم قدم اٹھاتے ہوئے “پیپلز ٹرین سروس” شروع کرنے کا فیصلہ کیا ہے۔ یہ ٹرین سروس کچلاک سے شیخ زاید اسپتال تک دن بھر کے اوقات میں چلے گی، تاکہ شہریوں کو آسان، آرام دہ اور کم خرچ سفر کی سہولت فراہم کی جا سکے۔
وزیر اعلیٰ بلوچستان میر سرفراز بگٹی کے مطابق، اس منصوبے کا مقصد کوئٹہ کی شہری ٹرانسپورٹ کو بہتر بنانا اور عوام، خاص طور پر کم آمدنی والے افراد، کو معیاری سفری سہولت فراہم کرنا ہے۔ اس منصوبے پر پاکستان ریلوے اور محکمہ ٹرانسپورٹ کے اشتراک سے کام جاری ہے، اور تمام تر تیاریاں تیزی سے مکمل کی جا رہی ہیں۔
یہ اقدام نہ صرف سفری مسائل میں کمی لائے گا بلکہ شہر میں ٹریفک کے دباؤ کو بھی کم کرے گا۔ عوامی فلاح کے اس منصوبے سے کوئٹہ کے شہریوں کو روزمرہ آمدورفت میں نمایاں آسانی حاصل ہوگی۔
Leave a Reply