بلوچستان کے ضلع نوشکی میں ایک بزدلانہ خودکش حملے کے نتیجے میں پاک فوج کے تین جوان اور دو سویلین شہید ہوگئے۔ یہ حملہ ایک ایسے وقت میں ہوا جب ملک دشمن عناصر بلوچستان کے امن کو نقصان پہنچانے کی مذموم کوششوں میں مصروف ہیں۔
پاک فوج کے شہداء میں حوالدار منظور علی (38 سال، نواب شاہ)، حوالدار علی بلاول (39 سال، نصیر آباد) اور نائیک عبد الرحیم (34 سال، بدین) شامل ہیں، جو اپنی جانوں کا نذرانہ دے کر ملک کی سلامتی کا دفاع کر گئے۔ اس افسوسناک واقعے میں دو عام شہری بھی شہید ہوئے، جن میں سید جلال الدین (ڈرائیور، کوئٹہ) اور محمد نعیم (ڈرائیور، خاران) شامل ہیں۔
یہ حملہ دشمنوں کی اس گھناؤنی سوچ کی عکاسی کرتا ہے جو بلوچستان کے امن و استحکام کو نشانہ بنانے کے درپے ہے۔ تاہم، پاک فوج اور سیکیورٹی ادارے پہلے بھی دشمنوں کے عزائم کو خاک میں ملا چکے ہیں اور اس مرتبہ بھی ان دہشتگردوں کو ان کے انجام تک پہنچانے میں کوئی کسر نہیں چھوڑیں گے۔
بلوچستان کے عوام اور پاکستان کی مسلح افواج نے ہمیشہ ان سازشوں کو ناکام بنایا ہے، اور یہ قربانیاں اس بات کا ثبوت ہیں کہ ہمارا ملک دہشتگردی کے خاتمے کے لیے پرعزم ہے۔ نوشکی کے اس حملے میں شہید ہونے والے جوان اور سویلین ہمارے قومی ہیرو ہیں، جن کی قربانیوں کو کبھی فراموش نہیں کیا جائے گا۔ ہمیں یقین ہے کہ سیکیورٹی فورسز ان مجرموں کو جلد انصاف کے کٹہرے میں لائیں گی تاکہ بلوچستان اور پورے پاکستان میں دیرپا امن قائم ہوسکے۔
Leave a Reply