محکمہ آبپاشی کا مربوط آبی وسائل مینجمنٹ منصوبہ 99 فیصد مکمل ہو چکا ہے، جس سے 4 لاکھ 7 ہزار 913 افراد کو براہ راست فائدہ پہنچا ہے۔ اس منصوبے کے تحت 57 ہزار ہیکٹر سے زائد رقبے پر جدید آبپاشی کے طریقے متعارف کرائے گئے ہیں، جس کے نتیجے میں زیادہ قدر والی فصلوں کی کاشت کو فروغ ملا ہے اور مقررہ اہداف سے 14 فیصد زیادہ کامیابی حاصل کی گئی ہے۔
یہ منصوبہ کسانوں کو جدید زرعی ٹیکنالوجی اور پانی کے بہتر استعمال کے ذریعے زیادہ پیداوار حاصل کرنے کے مواقع فراہم کرتا ہے۔ پانی کی بچت، فصلوں کی پیداوار میں اضافہ اور جدید آبپاشی نظاموں کی تنصیب جیسے عوامل نے زرعی ترقی کو تیز تر کر دیا ہے۔ جدید ڈرپ اور اسپرنکلر آبپاشی نظاموں کے استعمال سے پانی کی فراہمی میں نہ صرف بہتری آئی ہے بلکہ زمین کی زرخیزی بھی برقرار رکھی جا رہی ہے۔
منصوبے کے نتیجے میں دیہی معیشت کو استحکام ملا ہے، کسانوں کی آمدنی میں اضافہ ہوا ہے اور پانی کے وسائل کے پائیدار استعمال کو یقینی بنایا گیا ہے۔ اس کامیابی سے زرعی ترقی کے مزید دروازے کھلیں گے، جو ملکی معیشت کو مستحکم کرنے میں مددگار ثابت ہوں گے۔
Leave a Reply