بلوچستان کے سرحدی ضلع ژوب میں سیکیورٹی فورسز نے پاک افغان بارڈر کے قریب ایک اہم کارروائی کے دوران مسلح دہشتگردوں کے ایک گروہ کی دراندازی کی کوشش ناکام بنا دی۔ عسکری ذرائع کے مطابق یہ گروہ ملک دشمن سرگرمیوں میں ملوث تھا اور سرحد پار سے داخل ہو کر تخریبی کارروائیاں کرنے کا منصوبہ رکھتا تھا۔ فورسز نے خفیہ معلومات کی بنیاد پر علاقے کا محاصرہ کیا اور دہشتگردوں کی پیش قدمی کو روک دیا۔ فائرنگ کے تبادلے میں 33 دہشتگرد مارے گئے، جب کہ باقی کو پسپا کر دیا گیا۔ آپریشن کے بعد علاقے میں کلیئرنس اور سیکیورٹی مزید سخت کر دی گئی ہے۔ مقامی ذرائع کا کہنا ہے کہ اس کامیاب کارروائی نے سرحدی علاقوں میں امن قائم رکھنے اور شہریوں کے تحفظ کو یقینی بنانے میں اہم کردار ادا کیا ہے۔ عوام نے سیکیورٹی فورسز کے اس اقدام کو ملکی سلامتی کے لیے بڑی کامیابی قرار دیا ہے۔
Leave a Reply