ایم ایس سول ہسپتال نے ہسپتال میں مالی معاملات سے متعلق شکایات کے فوری حل کے لیے مختلف مقامات پر بینرز آویزاں کر دیے ہیں، جن پر درج نمبرز کے ذریعے ہر شہری اپنی شکایات درج کرا سکتا ہے۔ اس اقدام کا مقصد ہسپتال میں شفافیت کو یقینی بنانا اور مریضوں کو کسی بھی غیر قانونی ادائیگی سے بچانا ہے۔
بینرز پر فراہم کردہ نمبرز پر شہری کسی بھی بدعنوانی یا غیر ضروری رقم طلب کیے جانے کی صورت میں فوری طور پر رپورٹ کر سکتے ہیں۔ انتظامیہ کا کہنا ہے کہ ہسپتال میں کسی بھی شخص کو غیر قانونی طور پر پیسے لینے کی اجازت نہیں دی جائے گی، اور خلاف ورزی کرنے والوں کے خلاف سخت کارروائی عمل میں لائی جائے گی۔
یہ اقدام مریضوں اور ان کے لواحقین کے لیے سہولت پیدا کرنے کے ساتھ ساتھ ہسپتال کے نظام میں بہتری کا حصہ ہے۔ ایم ایس سول ہسپتال نے عوام سے اپیل کی ہے کہ وہ اس سہولت سے فائدہ اٹھائیں اور کسی بھی قسم کی شکایت کو رپورٹ کر کے صحت عامہ کے شعبے میں شفافیت کو فروغ دینے میں اپنا کردار ادا کریں۔
Leave a Reply