بلوچستان پاکستان کا سب سے بڑا اور اہم صوبہ ہے جو اپنے 44 فیصد رقبے کے ساتھ قدرتی وسائل، منفرد جغرافیائی حیثیت اور ترقیاتی مواقع کی وسیع امکانات رکھتا ہے۔ عالمی اقتصادی فورم کی تقریب سے خطاب کرتے ہوئے وزیر اعلیٰ بلوچستان میر سرفراز بگٹی نے بلوچستان کی اقتصادی اہمیت کو اجاگر کیا اور اس کے مواقع کو عالمی برادری کے سامنے پیش کیا۔
انہوں نے گوادر پورٹ کو سی پیک کا سنگ بنیاد قرار دیتے ہوئے کہا کہ یہ خطے میں اقتصادی سرگرمیوں کو فروغ دینے کے لیے مرکزی حیثیت رکھتی ہے۔ ریکوڈک کے معدنی ذخائر، زراعت اور ماہی گیری کے شعبے، اور گوادر فری زون کے خصوصی اقتصادی زون جیسے منصوبے دنیا بھر میں دلچسپی کا مرکز بن سکتے ہیں۔
وزیر اعلیٰ بلوچستان نے کہا کہ ان منصوبوں کی کامیابی مقامی کمیونٹیز کی شراکت کے بغیر ممکن نہیں۔ تعلیم، صحت، اور روزگار کی فراہمی کے لیے خصوصی اقدامات کیے جا رہے ہیں تاکہ مقامی آبادی کو ان ترقیاتی منصوبوں کے فوائد پہنچ سکیں۔ بلوچستان کو عالمی اقتصادی مرکز کے طور پر ابھارنے کی صلاحیت موجود ہے جو نہ صرف پاکستان بلکہ پوری دنیا کے لیے ترقی کے دروازے کھولے گی۔
Leave a Reply