ذرا نم ہو تو یہ مٹی بڑی زرخیز ہے۔ بلوچستان کی قابل فخر بیٹی، ثروت فاطمہ، نے نیشنل جونیئر بیڈمنٹن چیمپئن شپ میں اپنی شاندار کارکردگی کے ذریعے گولڈ میڈل حاصل کر کے نہ صرف اپنے خاندان بلکہ پورے صوبے اور ملک کا نام روشن کر دیا۔
کوئٹہ سے تعلق رکھنے والی ثروت فاطمہ نے انڈر 17 سنگل ایونٹ کے فائنل میں زبردست کھیل کا مظاہرہ کرتے ہوئے کامیابی اپنے نام کی۔ ان کی یہ کامیابی ان کی محنت، لگن اور بلوچستان کی صلاحیتوں کا منہ بولتا ثبوت ہے۔
ثروت کی کامیابی نے نوجوان نسل کو ایک نیا حوصلہ دیا ہے اور ان کے خوابوں کو حقیقت میں بدلنے کی ترغیب دی ہے۔ یہ کامیابی اس بات کی علامت ہے کہ اگر مواقع فراہم کیے جائیں تو بلوچستان کے نوجوان بھی کسی سے کم نہیں۔
پاکستان کے قومی کھیلوں کی تاریخ میں ثروت فاطمہ کی یہ کامیابی ایک اہم سنگ میل ہے اور یہ اس بات کا مظہر ہے کہ ہمارا نوجوان طبقہ ہر میدان میں آگے بڑھنے کی صلاحیت رکھتا ہے۔
Leave a Reply